Drejtoria e Shëndetit Publik, Spitali dhe Poliklinika Pogradec, marrin përsipër:
- të sigurojnë kujdes mjekësor të menjëhershëm dhe konfidencial sipas nevojës së viktimës, duke vënë në dijeni Koordinatoren vendore.
- t’u venë në dispozicion viktimave dokumentacionin mbi lëndimet dhe raportet e sakta gjykatave, duke respektuar parimin e konfidencialitetit;
- t’i ndjekin viktimat për nevojat e tyre shëndetësore dhe të sigurojnë shëndetin e tyre;
- të marrin pjesë në mekanizmin e referimit për të ofruar konsulencë mjekësore dhe perspektivë për zhvillimin e një reagimi të plotë për viktimat;
- të trajnojnë personelin tjetër mjekësor për identifikimin e dhunës në familje dhe të sigurojnë burimet dhe shërbimet për viktimat që mund të kërkojnë ndihmë, pa i bërë publik emrat e tyre.